Sevara Nazarxon: "Ulug'imsan Vatanim" (Özbekçe-Rusça)

Sevara Nazarxon — Ulug’imsan, Vatanim.
 Muhammad Yusuf she’ri

Muhammad YUSUF
VATANIM

Men dunyoni nima qildim,
O’zing yorug’ jahonim,
O’zim xoqon,
O’zim sulton,
Sen taxti Sulaymonim,
Yolg’izim,
Yagonam deymi,
Topingan koshonam deymi,
O’zing mening ulug’lardan
Ulug’imsan, Vataiim…

Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi,
Onam deymi,
Hamdardu hamxonam deymi,
Oftobdan ham o’zing mehri —
Ilig’imsan, Vatanim.

Sen Mashrabsan,
Xalqda tumor,
Balxda dorga osilgan,
Navoiysan, shoh yonida
Faqirni duo qilgan.
Yassaviysan, meniki deb,
Ko’ringan da’vo qilgan,
Ming bir yog’i ochilmagan
Qo’rig’imsan, Vatanim.

Sen Xo’jandsan,
Chingizlarga
Darbozasin ochmagan,
Temur Malik orqasidan
Sirdaryoga sakragan,
Muqannasan qorachig’i
Olovlarga sachragan,
Shiroqlarni ko’rgan cho’pon
Cho’lig’imsan, Vatanim.

Kim Qashqarni qildi makon,
Kim Enasoy tomonda,
Jaloliddin — Kurdistonda,
Boburing — Hindistonda,
Bu qanday yuz qarolig’ deb,
Yotarlar zimistonda,
Tarqab ketgan to’qson olti
Urug’imsan, Vatanim…

O’g’lim, desang osmonlarga
G’irot bo’lib uchgayman,
Chambil yurtda Alpomishga
Navkar bo’lib tushgayman,
Padarkushdan pana qilib
Ulug’beging quchgayman,
G’ichir-g’ichir tishimdagi
So’lig’imsan, Vatanim…

O’tgan kuning — o’tgan kundir,
O’z boshingga yetgan kun,
Qodiriyni bergan zamin,
Qodiriyni sotgan kun.
Qo’lin bog’lab,
Dilin dog’lab,
Yetaklashib ketgan kun,
Voh bolam! deb aytolmagan
Dudug’imsan, Vatanim.

Yoningda qon yig’lagan bir
Shoiringga qarab qo’y,
Gar Qo’qonga yo’ling tushsa,
Detdomlarni so’rab qo’y.
Hech bo’lmasa Usmon xokin
Keltirmoqqa yarab qo’y,
Olislarda qurib qolgan
Qudug’imsan, Vatanim…

Sen — shoxlari osmonlarga
Tegib turgan chinorim,
Ota desam,
O’g’lim deb,
Bosh egib turgan chinorim,
Qo’ynimdagi iftixorim,
Bo’ynimdagi tumorim,
O’zing mening ulug’lardan
Ulug’imsan, Vatanim!

Муҳаммад ЮСУФ
ВАТАНИМ

Мен дунёни нима қилдим,
Ўзинг ёруғ жаҳоним,
Ўзим хоқон,
Ўзим султон,
Сен тахти Сулаймоним,
Ёлғизим,
Ягонам дейми,
Топинган кошонам дейми,
Ўзинг менинг улуғлардан
Улуғимсан, Ватаиим…

Шодон куним гул отган сен,
Чечак отган изимга,
Нолон куним юпатган сен,
Юзинг босиб юзимга.
Синглим дейми,
Онам дейми,
Ҳамдарду ҳамхонам дейми,
Офтобдан ҳам ўзинг меҳри —
Илиғимсан, Ватаним.

Сен Машрабсан,
Халқда тумор,
Балхда дорга осилган,
Навоийсан, шоҳ ёнида
Фақирни дуо қилган.
Яссавийсан, меники деб,
Кўринган даъво қилган,
Минг бир ёғи очилмаган
Қўриғимсан, Ватаним.

Сен Хўжандсан,
Чингизларга
Дарбозасин очмаган,
Темур Малик орқасидан
Сирдарёга сакраган,
Муқаннасан қорачиғи
Оловларга сачраган,
Широқларни кўрган чўпон
Чўлиғимсан, Ватаним.

Ким Қашқарни қилди макон,
Ким Энасой томонда,
Жалолиддин — Курдистонда,
Бобуринг — Ҳиндистонда,
Бу қандай юз қаролиғ деб,
Ётарлар зимистонда,
Тарқаб кетган тўқсон олти
Уруғимсан, Ватаним…

Ўғлим, десанг осмонларга
Ғирот бўлиб учгайман,
Чамбил юртда Алпомишга
Навкар бўлиб тушгайман,
Падаркушдан пана қилиб
Улуғбегинг қучгайман,
Ғичир-ғичир тишимдаги
Сўлиғимсан, Ватаним…

Ўтган кунинг — ўтган кундир,
Ўз бошингга етган кун,
Қодирийни берган замин,
Қодирийни сотган кун.
Қўлин боғлаб,
Дилин доғлаб,
Етаклашиб кетган кун,
Воҳ болам! деб айтолмаган
Дудуғимсан, Ватаним.

Ёнингда қон йиғлаган бир
Шоирингга қараб қўй,
Гар Қўқонга йўлинг тушса,
Детдомларни сўраб қўй.
Ҳеч бўлмаса Усмон хокин
Келтирмоққа яраб қўй,
Олисларда қуриб қолган
Қудуғимсан, Ватаним…

Сен — шохлари осмонларга
Тегиб турган чинорим,
Ота десам,
Ўғлим деб,
Бош эгиб турган чинорим,
Қўйнимдаги ифтихорим,
Бўйнимдаги туморим,
Ўзинг менинг улуғлардан
Улуғимсан, Ватаним!

Muhammad Yusuf. Saylanma by on Scribd

Muhammad Yusuf (1954-2001) she’ri Слова – Мухаммада Юсуфа (1954-2001) Men dunyoni nima qildim, Зачем мне весь мир? O‘zing yorug‘ jahonim. Ты для меня белый свет. O‘zimga bek, o‘zim sulton, Самому себе я бек, самому себе султан (1), Sen – taxti Sulaymonim. А ты мой трон Сулеймана. Yolg‘izim, yagonam deymi, Называть ли тебя единственной? Topingan koshonam deymi, Называть ли тебя местом поклонения? O‘zing mening ulug‘lardan ulug‘imsan, Ты величайшая из величайших. Sen Xo‘jandsan, Chingizlarga darvozasin ochmagan, Ты Ходжент, не открывший врата чингизам, Temur Malik orqasidan Sirdaryoga sakragan. Спрыгнувший в Сырдарью вслед за Темур Маликом (2). Muqannasan, qorachig‘i olovlarga sachragan, Ты Муканна, чьи зрачки лопнули в пламени (3), Shiroqlarni ko‘rgan cho‘pon-cho‘lig‘imsan, Vatanim. Ты пастух, видевший Ширака, моя Родина (4). Shodon kunim gul otgan sen, Ты бросала мне цветы в радостные дни, Nolon kunim yupatgan sen. Ты утешала меня в горестные дни. Yuzing bosib yuzimga, Прижав щеку к щеке, Singlim deymi, onammi? Называть ли тебя младшей сестрой или матерью? Ilig‘imsan, Vatanim, o‘zingsan. Ты согревающая меня, Родина. Sen – shoxlari osmonlarga tegib turgan chinorim, o‘zingsan. Ты – чинара, чьи ветки касаются небес, Ota desam, qizim deb, Когда называю тебя отцом, ты называешь меня дочкой Bosh egib turgan o‘zing, И склоняешь ко мне голову, Ulug‘imsan, Vatanim. Ты моя великая, Родина. Kim Qashqarni qildi makon, Кто Кашгар сделал себе пристанищем (5), Kim Enasoy tomonda, Кто в стороне Енисея (6), Jaloliddin – Kurdistonda, Джалолиддин – в Курдистане (7), Boburing – Hindistonda. А Бабур твой – в Индии (8). Bu qanday yuz qarolig‘ deb, Спрашивая, что же это за напасти Yotarlar zimistonda, Они лежат в темноте (могиле), Tarqab ketgan to‘qson olti Ты – разбредшиеся девяносто шесть Urug‘imsan, Vatanim. Родов, Родина (9). Qizim desa osmonlarga Если назовешь своей дочерью, G‘irot bo‘lib uchgayman, Полечу в небеса, подобно Гирату, Chambil yurtda Alpomishga В краю Чамбил Алпамышу (10) Qayliq bo‘lib tushkayman. Стану невестой. Padarkushdan pana qilib Укрывая от отцеубийцы, Ulug‘beging quchkayman, Обниму твоего Улугбека (11). G‘ichir-g‘ichir tishimdagi Ты – хрустящие в зубах So‘lig‘imsan, Vatanim. Мои удила, Родина. (1) – название «узбек» восходит к «уз-узига бек» – «самому себе бек», то есть суверенный. (2) – Ходжент (Худжанд) – город, оказавший в 1219-1220гг. упорное сопротивление войскам Чингиз-хана под руководством военачальника Темура Малика. Когда город пал, Темур Малик укрылся в цитадели, расположенной на острове на реке Сырдарья. Когда пала и цитадель, Темур Малик отступил с остатками войск вплавь по Сырдарье и продолжил сопротивление войскам Чингиз-хана в других районах государства Хорезмшахов. (3) – Муканна – Хашим ибн Хаким – поднял в 777 году восстание «людей в белых одеждах» против арабских завоевателей, охватившее Самарканд, Бухару и др. города. Получил от арабов прозвище «Муканна» - «закрытый покрывалом» за то, что скрывал свое лицо. После подавления восстания, был брошен в яму с костром (по другой версии, бросился в костер, чтобы избежать плена). (4) – Ширак – пастух, завлекший в пустыню армию Ахеменидов под руководством Дария I, вторгшихся в Среднюю Азию в 520 году до н.э. и, тем самым, спасший страну от порабощения. Для того, чтобы убедить интервентов в искренности своего намерения, он сам изрезал себе лицо, отрезал себе нос и уши и заявил персам, что это сделали его соплеменники и он горит жаждой мщения. (5) – города Восточного Туркестана часто становились пристанищем для узбеков, вынужденных по тем или иным причинам покинуть Родину. Так, в XVII веке поэт Машраб (1657-1711) жил некоторое время в городе Кашгар, в XIX веке поэт Фуркат (1858-1909) – в городе Яркент, в XX веке город Гульджа стал основным пристанищем для узбеков, бежавших от большевиков, например, для Алихана туры Сагуни. (6) – Имеются в виду ссылки в Сибирь в 1930-х годах репрессированных узбекских интеллектуалов, таких как Абдулла Кадыри (1894-1938), Усман Насыр (1913-1944), Абдурауф Фитрат (1885-1938), Абдулхамид Чулпан (1897-1938) и многие другие. (7) – Джалолиддин Мангуберди (1199-1231) – последний хорезмшах, ведший длительную борьбу против монгольских завоевателей; организовывал очаги сопротивления в различных регионах Среднего Востока, в том числе горах Курдистана. (8) – Захириддин Мухаммад Бабур (1483-1530) – потомок Тамерлана, литератор, основатель империи Бабуридов («Великих Моголов») в Индии; был вынужден мигрировать на территорию современного Афганистана, затем Индии, из-за политических событий; до конца жизни тосковал по Родине, что нашло свое отражение в его творчестве. (9) – Кочевые («Дашти-кипчакские») узбеки подразделялись на 92, а, по данным Чокана Валиханова – на 96 родов. (10) – Гират – конь главного персонажа Гёроглы из одноименного народного эпоса, Чамбыл – страна из того же эпоса, Алпамыш – главный персонаж народного эпоса «Алпамыш». (11) – Улугбек Мухаммад Тарагай (1394 – 1449) – внук Тамерлана, правитель удела с центром в Самарканде, выдающийся астроном и ученый. Убит своим сыном Абдулатифом.